Hvað eru viðbætur

Í þessari grein er farið yfir þær viðbætur sem þú getur virkjað í Kara Connect til þess að auka enn frekar alla þá möguleika sem kerfið býður upp á.

Eftirfarandi viðbætur er hægt að virkja í kerfinu:

• SMS áminningar, hægt er að sérsníða SMS áminningar með því að ýta á pennann. Hægt er að sérsníða skilaboðin með ýmsum breytum og hversu mörgum klukkustundum fyrir tímann SMS skal berast til skjólstæðings.
• Samþykki skjólstæðinga, vegna Evrópulöggjafar um meðferð persónuupplýsinga (e. General data protection regulation) þurfa fyrirtæki að afla samþykkis skjólstæðinga sinna sem heimilar sérfræðingum fyrirtækisins að vinna og meðhöndla persónulegar upplýsingar um þá. Þegar þessi viðbót er virkjuð þurfa skjólstæðingar að samþykkja vinnsluna.
• Köru greiðslur, með þessari viðbót getur þú byrjað að taka við greiðslum frá skjólstæðingum þínum. Köru greiðslur er greiðslukerfi Köru sem unnið er í samvinnu við alþjóðlega greiðslukerfið Stripe. Þú virkjar þessa viðbót, setur inn upplýsingar um rekstur þinn og banka og greiðslur verða svo lagðar sjálfkrafa beint inn á bankareikning þinn. Einfaldara getur það ekki verið!

• Rými/aðföng, skráðu rými eða aðföng, sem hægt er að nota í tímum með skjólstæðingum. Skjólstæðingar sjá ekki valdar staðsetningar eða tæki.
• Aðrar greiðslur, sérfræðingar geta skráð mismunandi greiðslur á tímum með því að stilla inn möguleikana á að greiða með pening, posa eða öðrum leiðum.
• Hóptímar, tengstu 2 eða fleiri skjólstæðingum í gegnum hóptíma. Hóptímar eru enn í BETA ferli. Meira hér.

• Rafræn skílríki, í kröfum Landlæknis Embættis um fjarheilbrigðisþjónustu er gerð krafa um notkun rafrænna skilríkja. Með því að virkja þessa viðbót geta sérfræðingar í fyrirtæki þínu og skjólstæðingar þeirra notað rafræn skilríki við innskráningu í Köru.